#أنونيموس_كاتب_بورتريهات
#ذئب_الشمال
"احمد بونقوب" او "حميدو الديب". رجل داع صيته في كامل المغرب و بالضبط بمسقط رأسه طنجة كاملة كتعرفو .. كان راقم واحد فتهريب المخدرات فشمال افريقيا حسب المنظمات الاممية .. كان معروف عليه فبداية مشوارو كان كيبيع الطابة و النفحة فاحدى مقاهي طنجة الشعبية قبل ان يتحول الى سيد المخدرات في المغرب حيت كان كيصدر الحشيش المغربي عن طريق الزوارق لاسبانية .. السيد كان عندو علاقة مع رجال الامن و الدرك يعني البوليس كيمييك عليه بالمقابل كانو رجال د "الديب" يراقبون الساحل د طنجة كامل لان الدولة فشلت بزاف فمحاربة الهجرة السرية كانت عشرات القوارب يوميا فالتسعينات تنطلق من مدن الشمال قاصدة اسبانيا .. المهم السيد بالفعل حارب الظاهرة و عاون الامن و كان كيقدم شكايات عن طريق رجالو ببعض السلفيين .. و كان معروف عليه بأنه سخي بزاف مع الفقراء و المساكن و ابناء مدينتو .. و كان مهلي فلي خدامين معاه و كان كيعطيهوم الدار و كان مهتم برعاية المساجد و تشييدها و اصلاحها كما انه كان كيساعد الدولة فاصلاح البنية التحتية اذا جاه شي طلب مساعدة مثلا حسب ما قال هو لي شيد "رياض تطوان" فطنجة .. المهم اي واحد طلب المساعدة من هاد السيد مكانش كيردو مع العلم انه كان أمي و ماقراش مرة ..
ف 1995 جا واحد تقرير من منظمة أممية مسؤولة عن محاربة المخدرات .. جا فيه المغرب هو الاول فتجارة الحشيش و توسخت الصورة د المغرب و زادت الضغوطات من الدول الاوروبية .. غضب "الحسن الثاني" و أمر "البصري" باش يعتقل جميع الريوس لكبار و لي كان منهم "الديب" .. فالاول طمئنوه و قالولو تا تمر العاصفة و موراها تخرج فحالك .. لكن كدبو عليه و استهدفوه بشكل شخصي وحجزو على الثروة ديالو لي كانت كتقدر ب 40 مليار .. و كان عندو اراضي بزاف فوسط طنجة و هيكتارات فمختلف مدن الشمال و عمارات و فيلات و سيارات الخ .. المهم السيد عاد جاه عفو ملكي سنة 2003 بعد سبع سنوات من الاعتقال و لكن ثروة ديالو اغلبها مشا خاصة عماراتو و اراضيه فوسط المدينة لي رتافعات الاسهم ديالها فطنجة بزاف حيت رجعت مدينة سياحية .. وحاليا راسل الديوان الملكي و رفع دعوة قضائية باش على الاقل يسترجع غير شي حاجة قليلة من ثروة ديالو مع العلم ان بزنازة اخرين ماداوش ليهم تا سنتيم واحد ..
#Mohamed_El_Mai
#أنونيموس_ماساكتينش
شاركنا بتعليقك المميز فهو يشجعنا ويساعد على الاستمرار