عودة مرة أخرى لنشر الجزء الأهم من موضوع الليلة !! تيسلا المخترع
كيف قلت قبل قليل إخترعات كثيرة خرجها تيسلا منها للي خدمين بيها ومنها للي معمرنا نشوفها ومن أهم هاد الإخترعات
1/ الكهرباء المجانية !! : تخيل أنك عندك ماكينة فالدار صغيرة للي كتنتج طاقة وكهرباء تقدر تخدم لليك غاع الألات و المصابيح للي كايينين فالدار !!! تخييل غير كو كانت فالمغرب !! الخسائر للي غتوقع لشركة الطاقة بحال ليديك إلخ غتكون بالملايير !! أيه !! تيسلا فكر أنه إقضي على شركات الطاقة وشركة النفط !! وفكر إدير ألة للي تنتج كهرباء مجانية لاتنتهي !! لهذا ختارع مولد في محرك وداك لمحرك كينتج طاقة زائدة وسماها وشيعة تيسلا !! وبديك الطاقة شوية منها كيرجع للمولد وكتبقى الدورة كتمشي إلى مالا نهاية !!! تخيل دوك الناس المساكين للي فالجبال وللي بدون كهرباء عندهوم هاد الألة !! راه أي مختص فالدراسات الكهربائية غايكون عارف البلان
2/ برج تسلا : كلنا كنعرفو أنه إلا بغيتي تشعل تلفازة خاصك تبرونشيها مع البريز والضو !! لكن مع تيسلا بلاماتحتاج البريز !! لأنه كتاشف طريقة باش إخدم بها المصابيح و المحركات بدون أسلاك !! وهكذا جات فكرة برج تسلا !! وهو برج كيطلق كهرباء قوية لكن غير مؤذية (( بحال شكل ديال الويفي )) و أي مصباح على مدى 20 كيلومتر كيخدم !!! التجربة الأولية فأواخر 1899 كانت ناجحة في مدينة " كولورادو سبرينجز" !! خدم كثر من 200 مصباح على بعد 35 كيلومتر من البرج !! الفكرة مالقاتش الدعم المالي بإستثناء مورغان (( عائلة جي بي مورغان ! )) وهو صديق ديالو و صاحب بنك وهو ستافد من هاد الخدمة فالبنك ديالو وتعهد ليه باش إمولو !! ولكن فاش بغا تيسلا إبيين هاد التكنولوجيا الجديدة فالمعرض للي كاين نيويورك ! بنا هاد البرج لكن توقف البناء بسبب إنسحاب مورغن لأسباب مجهولة !! ومن تماك قال مورغان المقولة ديالو ".. إذا كان بالإمكان لأي شخص أن يسحب هذه الكهرباء مجانًا وفي أي وقت يريده، فكيف إذًا سيلتزمون بدفع الفواتير؟..أين سأضع العدادات؟.." !! وللأسف الفكرة تلغات تماما حتى رجعات مرة أخرى !! وسمعت بأنه شي طلاب فجامعة ماساتشوتس خدمو هاد الطريقة و سماوها (( واي إليكتريستي ))
3/ تيسلا وتجربة فيلاديلفيا : عدة مؤرخين كيقولو أن تيسلا كان معا عدة علماء (( من بينهم أينشتاين )) باش إديرو تجربة لإخفاء سفينة حربية بواسطة الأشعة الكهرومغناطيسية لحد الأن ماكينش الأدلة الكافية لحذوث للتجربة و ربما معلومة خاطئة
4/ الإنتقال الأني : تسلا كانت عندو عدة نظريات على طريقة الإنتقال من بلاصة لبلاصة بإستعمال الطاقة الكهرومغناطيسية !!
5/ المذبذب : هو واحد الألة كانت كتسبب فعدة إإهتزازات !!! تيسلا مكانش عارف أن هاد الجهاز إقدر إتسبب فالزلازل إلا خدم بقوة زائدة !! وحسب الأقاويل فهاد الجهاز كيستعملوه فمشروع هارب !!!
و العديد و العديد من الإخترعات للي تمسحوا من التاريخ والكتب فقط لأنه حلم بأنه بغا يقدم المساعدة للبشرية بالطاقة المجانية !! لكن جشع اصحاب المصالح خلاهوم إقضيو عليه و سماوه بأبشع الصفات بحال المشعود و المجنون إلخ !!! نعم !!! عالم دار شي حاجة للي مادارهاش أينشتاين و إيديسون إلخ !!! ومع ذلك أدنى مرتبة منهم !!
لأنه لو كانت الإخترعات ديالو متاحة للجميع لكانت شركات النفط الطاقة إلخ غادير فاييت !!! وهادشي ماشي فمصلحة الدولة !
كلمة شكر تكفي
#ستيفان
شاركنا بتعليقك المميز فهو يشجعنا ويساعد على الاستمرار