#پابلو_إسكوبار
"بابلو ايميليو إسكوبار جافيريا" تزاد فـ"ريونيجرو" "كولومبيا" فـ 1 دجنبر 1949 .. اشهر بارون مخدرات فالتاريخ قارون عصرو و سابع أغنى شخص فالتاريخ المعاصر .. زعيم أكبر واخطر و اغنى مافيا تأسسات فالعالم .. باه كان مزارع و الأم ديالو معلمة .. كان فلاح منذ الولادة وعاشق للريف و البادية .. كان طموح من صغرو كايقول لصحابو " غادي نولي مليونير فسن العشرين " .. دخل للمدرسة وكان نيمتاز بالذكاء واخا مكانش مهتم بلقراية .. منين وصل للثانوي غادي يقرر بالاضافة لقراية يحتارف السرقة .. بدا بسرقة اطارات السيارات من بعد رجع يسرق الأعمدة ديال لقبور .. شوي لسرقة السيارات .. كان مستاعد يزاول أي خدمة إلى فيها الدرهم .. داك شي باش غادي يتسلق سلك الجرائم شوي بشوي حتى يرجع هاد اللص الصغير قاتل مأجوور و مجرم دموي مكايعرفش الرحمة ..
منين دار تقريبا عشرين سنة عرف بيلا يقدر يدير فلوس كثر بطريقة سهلة داكشي باش غادي يقرر يدخل "بلاك وورد" "العالم الاسود" .. عالم تجارة المخدرات .. غادي يتعرف على شي فرد من عصابة سميتو "غوستاڤو" و من بعد مدة قصيرة غادي يهرب اول كمية ديال الكوكايين فسيارة مستأجرة .. كان ذكي بزاف و كانت عندو طريقة فذة فإيجاد حل لأي مشكل واجه العصابة لي فيها .. ولا "گراد" و دار مهمات صعاب .. من بعد وفاة زعيم العصابة هو غادي يتكلف بكلشي ركز على تهريب الكوكايين لامريكا واستغل تعطش ابناء "العم سام" للزهو و المخدرات وغرقها بالكوكايين .. كان تقريبا ثمن الكيلوغرام الواحد من الكوكايين فديك الوقت 35 مليون سنتيم .. جا وقت لي كان يهرب فيه تقريبا 2 طن من الكوكايين اسبوعيا .. يعني 2000 كلغ يعني 700 مليار فالاسبوع هي الثمن ديال الكمية لي كان يبيع .. ولأن مهمة فحال هاذي ماشي ساهلة "بابلو" كان معروف بسياسة " فضة او رصاص " يعني "رشوة أو قتل" .. وهكا كان يتعامل مع رجال الأمن كايعرض الرشوة لي رفض يقتلو بلا رحمة ..
بابلو أسس دولة بحدو .. تقريبا نصف مليون انسان لي كان خدام معاه .. شرا بزاف ديال الجزر ورجعها قواعد عسكرية .. كان عندو سلاح يدوي كثر من الجيش الكولومبي .. بنا فالجزر مصانع ومطارات وكان كايزود العالم بـ 80 % من الكوكايين .. فأوج ازدهار تجارتو كان كايبيع تقريبا 500 الف كيلو غرام يوميا .. دار ثروة هاائلة بأرقاو فلكية بمعدل ربح 420 مليار سنتيم فالاسبوع .. كان تقربا كايعطي 5 المليون سنتيم كأجر يوميا للطيارين لي خدامين معاه .. 2.5 المليون كان يشريها غي أربطة مطّاطية " لاستيك " باش يجمع بيها لفلوس للي كايدخل .. و تقريبا 10 % من الثروة ديالو كلاوها غي الفيران .. كيقولو شي مرة فالفترة لي كان مطارد فيها كانت نبتو مريضة و البرد ديك الليلة حرق تقريب 2 ملاير سنتيم باش يدفيها ..
فالتسعينات رجع المطلوب الاول عند امريكا والحكومة الكولومبية .. وتشنات فحقو حملة مطاردة .. فهاذ الوقت الحساس مشا ولتاقط صورة حدا البيت الابيض ( تصنفات هاذ الصورة كأكثر صورة أهانت الإف.بي.آي وجيش الدفاع و امريكا برمتها ) ..
من بعد هجومات الشرطة المتكررة و الميليشيات المسلحة من عائلات ضحايا "بابلو" قرر يسلم راسو للشرطة الكولومبية ووضع شروط منها ما يسلموهش لامريكا ويبنيولو سجن خاص بالتصميم ديالو شخصيا .. وافقات الحكومة و دخل "بابلو" للسجن لي بناه او بالاحرى القصر لي كان فيه مسبح وكومبيوتر وحانة ....
"بابلو اسكوبار" كان مجرم وقتال وارهابي كان كايتقتل بسبابو تقريبا 10 ديال الناس فاليوم .. قتل 200 قاضي و الاف الشرطة ومجموعة من الصحفيين والدبلوماسيين وقتل ثلاثة كانوا مترشحين لرئاسة كولومبيا .. فالمقابل كان كريم بزااف بنا مستشفيات و خيريات وملاعب كرة القدم و كان اب حنون على الفقراء .. عرض على الحكومة الكولومبية يخلص ديونها كاملة لي كانت انذاك 10 ملاير دولار .. باش يقبلوه فرئاسة كولوبيا و قوبل الطلب ديالو بالرفض ..
كان السجن لي فيه بمثابة حصن ليه .. رجع كايعطي تخطيطات من السجن للي كان فيه كمبيوتر و هاتف وفاكس .. وقدر يدير الصفقات والعمليات من داخل السجن .. زيد على ذلك نهار السبت لي كان ياخدو روپو كايخرج فيه يقصر ..
فعيد ميلادو الرابع و الاربعين ، قدرات الشرطة الكولومبية بدعم امريكي يلقاو "بابلو" فحملة مطاردة تصاب "اسكوبار" برصاصة ومات غارقا في البحر
شاركنا بتعليقك المميز فهو يشجعنا ويساعد على الاستمرار